Наши контакты
Республика Саха (Якутия) Амгинский район, с.Амга, ул. Ленина, 17 Тел:4-15-46, 4-16-77 e-mail: amglib10@gmail.com
Режим работы
С 9:00 - 18:00 Выходной - воскресенье Последний день месяца - санитарный день

«Культура Амги: наследие и современность»

Кулун тутар 25 күнүгэр Федот Потапов аатынан Амматааҕы культура киинигэр Арассыыйа үрдүнэн билиигэ-көрүүгэ, инники сайдыыга сирдиир дириҥ ис хоһоонноох литература сылыгар икки тылынан «Амма культурата: сайдыы суолунан», м диэн кинигэ сүрэхтэниитэ буолан ааста.

Олонхо тойугунан үйэлэр тухары тулхадыйбат уус-уран айымньы пааматынньыгын айан бар дьонноругар хаалларбыт Тимофей Захаров – Чээбий, Ырыа Маппыан, Екатерина Иванова, Улуу талаан Устин Нохсоороп, саха литературата сайдыытыгар бөдөҥ кылааты киллэрбит народнай суруйааччы В.М. Новиков – Күннүк Уурастыырап, дэгэрэҥ ырыаны үйэтиппит Христофор Максимов, ураты кэрэ куоластаах Ольга Иванова – Сидоркевич, Валерий Ноев, талааннаах режиссер Федот Потапов, саха опернай модун куоластаах Матвей, Федор Лобановтар, Россия кэрэ куоластарынан аатырбыт Нина Чигирева, Айталина Адамова, Саха күөрэгэйэ Екатерина Захарова, драматург Баһылай Харысхал, худуоһунньуктар Семен Александров, Мария Магатырева, Саха сирин култууратын духуобунай сайдыытыгар тугунан да кэмнэммэт баай кылааты киллэрбиттэрэ.

Бу кинигэ – альбом проегын автора Амма улууһун баһылыгын социальнай боппуруоска солбуйааччыта Прасковья Ивановна Емельянова. Кинигэни хомуйан – таҥан оҥордулар Емельянова Прасковья Ивановна,  Сулҕаччытааҕы модельнай библиотека кылаабынай библиотекара Попова Елена Васильевна, редколлегияҕа үлэлээтилэр Амма улууһун баһылыганан үлэлээбит Александр Еремеевич Артемьев, Прасковья Ивановна Емельянова, Семен Андреевич Новгородов аатынан «Бичик» кинигэ кыһатын директора Август Васильевич Егоров уонна да атыттар.

Кинигэ үбүлэнэн таҕыста Амма улууһа муниципальнай тэриллии көмөтүнэн «Бичик» кинигэ кыһатыгар 432 страницалаах, 1000 экземплярынан бэчээттэннэ. Кинигэ-альбом 9 балаһалаах. Хомуйан, оҥорон таһаарыыга урукку өттүгэр туһаныллыбатах үгүс матырыйааллар тиһилиннилэр. Бииртэн биир кэрэхсэбиллээх ахтыылар, хаартыскалар история кырдьыктарын туоһулууллар.

Кинигэ сүрэхтэниитигэр күндү ыалдьыттарынан буоллулар: Васильев Василий Егорович  — Харысхал, Саха Республикатын үтүөлээх үлэһитэ, СССР суруйааччыларын союһун чилиэнэ, Саха Республикатын духуобунаһын академиятын академига, Сидоров Олег Гаврильевич – Амгин, Саха Республикатын культуратын үтүөлээх үлэһитэ, Саха республикатын духуобунаһын академиятын академига, «Илин» сурунаал редактора. Адамова Саргылана Саввична- Саха Республикатын культуратын үтүөлээх үлэһитэ, Россия, Саха Республикатын театральнай деятеллэр союзтарын чилиэнэ, Ноев Валерий Валерьевич — Бэдьимэ культура киинин дириэктэрэ,  Ноева Влада Валерьевна – Национальнай библиотека эппиэттээх үлэһитэ, Максимов Иннокентий Христофорович – Христофор Максимов фондатын сүрүннүүр үлэһитэ, Гольдерова Саргылана Васильевна – Саргы Куо, поэтесса Саха республикатын культуратын үтүөлээх үлэһитэ.

Бу дьоро киэһэни киэргэттилэр Аммабыт кэрэ куоластаах ырыаһыттара: Анна Матвеева, Василий Неустроев – Баян Бааска, Антонина Прокопьева, Екатерина Захарова.

Кинигэ сүрэхтэниитин иилээн саҕалаан ыытта Амматааҕы Киин библиотека ааҕар саалатын библиограба Иванова Туйара Иннокентьевна, презентационнай материалы оҥордо библиотекарь Евграфова Мария Аркадьевна.

IMG_7051

IMG_7085

IMG_7081

IMG_7076

IMG_7053