Наши контакты
Республика Саха (Якутия) Амгинский район, с.Амга, ул. Ленина, 17 Тел:4-15-46, 4-16-77 e-mail: amglib10@gmail.com
Режим работы
С 9:00 - 18:00 Выходной - воскресенье Последний день месяца - санитарный день

КҮННҮК СЫЛЫН ТҮМҮКТҮҮР ДЬОРО КҮН

Саха уһулуччулаах  поэта  В. М. Новиков – Күннүк Уурастыып  күн сирин көрбүтэ  110 сыла  туоларынан  биллэриллибит Күннүк сыла  тэрээһиннээхтик ыытыллан  түмүктүүр  дьоро күнэ тохсунньу 27 күнүгэр  Эмискэ буолла.

Күннүк    үбүлүөйдээх  сылыгар  анаммыт  тэрээһиннэртэн  биир  саамай    үйэлээхтэрэ – поэт  аатын улуустааҕы   киин   библиотекаҕа   иҥэриллиитэ   буолар.

Кини  аатын  сүгэр Амматааҕы киин библиотека сайтыгар  кинигэлэрин киллэрэн      Күннүк  электроннай    библиотеката  тэрилиннэ,  айымньыларын  эдэр  ыччакка чугаһатар      сыаллаах  саҥа  технологияны  туһанан  оҥоһуллубут “Читаем  Күннүк  Урастырова” , “Саҥа күнү – күннээх  поэты  кытта” социальнай  ситим нөҥүө хоһооннорун тарҕатыы , улуус  үрдүнэн  “Бары бүттүүн ааҕыы күнэ” — поэт  төрөөбүт  күнүгэр хоһооннорун  уус-ураннык     ааҕыы  күнэ  бырайыактарынан   үлэ  барда.

Республикатааҕы “Поэт  уонна экология” поэт  хоһооннорун уус- ураннык ааҕыыга  аһаҕас күөн  күрэс, оскуола  үрдүкү  кылааһын  үөрэнээччилэрин  ортотугар дистационнай  электроннай  викторина, кинигэ быыстапкалара  тэрилиннилэр, учууталлар ортолоругар республиканскай  форумҥа библиотекардарбыт кыттыыны  ыллылар, республиканскай  “Муҥха олоҥхото”  эдэр  олоҥхону толорооччулар  күөн күрэстэригэр  улахан  кинигэ быыстапка оҥоһулунна.

Сыл  бүтүүтэ библиотекалар икки  ардыларыгар  көрүү –күрэҕин   түмүгэр    айымньылаахтык   үлэлээбит   библиотеканан   Чакырдааҕы   модельнай  библиотека ааттанна.

Күннүк  сылын  түмүктүүр дьоро күн ситиһиилээхтик үлэлээбит Амматааҕы библиотечнай  тиһик  үлэһиттэрэ бэлиэтэннилэр: Макарова С.Е.- директор, Александрова Т.Т.-методист, Стручкова В.И.- краеведческай отдел сэб., Евграфова П.С.- Оҕо библиотекатын сэб.,Ларионова Ю.М.- методическай отдел сэб., Карманова К.А.- Абаҕатааҕы, Андреева А.К.- Сатаҕайдааҕы, Игнатьева М.А.- Чакырдааҕы модельнай библиотекалар кылаабынай  библиотекардара.

WhatsApp Image 2018-01-31 at 12.01.24