Режим работы
Понедельник - 9ч. - 17ч. Вторник - 9ч. - 20ч. Среда - 9ч. - 20ч. Четверг - 9ч. - 20ч. Пятница - 9ч. - 18ч. Суббота - 10ч. - 17ч. Обед 13ч. - 14ч. Выходной - воскресенье

Прасковья Ивановна Емельянова туһунан кэпсиир кинигэ сүрэхтэннэ

Амма нэһилиэгэр А. А. Черемных аатынан оҕо искусствотын саалатыгар олунньу 8 күнүгэр, 15 сыл устата Амма улууһун баһылыгын солбуйааччытынан үлэлээбит, Бөтүн уонна Амма улууһун бочуоттаах олохтоого,СӨ үөрэхтээһинин, муниципальнай сулууспатын туйгуна, Софья Сидорова аатынан бочуоттаах бэлиэ хаһаайына Прасковья Ивановна Емельянова туһунан кэпсиир кинигэ сүрэхтэннэ.Прасковья Ивановна өрөспүүбүлүкэтин,улууһун сайдыытыгар киллэрбит кылаатын, бар дьонно иһирэх, истиҥ сыһыанын сыаналаан кини олоҕун, үлэтин туһунан кэпсиир кинигэ «Бичик» кинигэ кыһатыгар «Саха киэн туттар дьоно» диэн серияҕа таҕыста.

 

 

Сүрэхтэниигэ бииргэ үлэлээбиттэрэ,төрөөбүттэрэ, доҕотторо, өр кэмҥэ үлэлэспит «Бичик» кинигэ кыһатын коллектива бу үтүө күнү көрсө таһаарбыттара, кинилэр Прасковья Ивановнаны убаастыылларын, сүгүрүйэллэрин туоһута буолар. Бу тэрээһиннэ элбэх киһи тыл эттэ, кэрэ киһи туһунан үтөүтүк ахтан — санаан ааста.Улуус баһылыга Николай Архипов уйэтитии улэлэрин туһунан эттэ. Ол курдук былааҥҥа Прасковья Ивановна аатынан эдэр салайааччыга күрэх, Амма нэһилиэгэр парк, саҥа кыбаарталга уулусса баар буолуон сөп диэн иһитиннэрдэ уонна кинигэгэ үлэлэспит дьонно Махтал суруктары туттарда.»Бичик» кыһатын директора А.В.Егоров Прасковья Ивановнаны кытта бииргэ үлэлэспит умнуллубат түгэннэрин түмэн альбом кинигэ оҥорон таһаарбыттарын аҕатыгар, суруйааччы Иван Корякинна-Бөтүүнүскэйгэ, оҕолоругар ,бииргэ төрөөбүттэригэр, улуус дьаһалтатыгар уонна Александр Артемьевка бэлэхтээтэ.
П.И.Емельянова таһаарбыт кинигэлэринэн улуустааҕы киин библиотека «Прасковья Ивановна Емельянова кинигэлэрэ — кини өйдөбүнньүктэрэ» диэн кинигэ быыстапката тэрилиннэ. Кинигэ сүрэхтэниитин киин библиотека кылаабынай библиотекара Вероника Стручкова салайан ыытта.

 

 

 

Поделиться: