Наши контакты
Республика Саха (Якутия) Амгинский район, с.Амга, ул. Ленина, 17 Тел:4-15-46, 4-16-77 e-mail: amglib10@gmail.com
Режим работы
С 9:00 - 18:00 Выходной - воскресенье Последний день месяца - санитарный день

Саха Республикатын суруйааччыларын, Россия журналистарын Сойуустарын чилиэнэ, Амма улууһун Бөтүҥ нэһилиэгин бочуоттаах олохтооҕо, поэт, тылбаасчыт, кыраайы үөрэтээччи С.П. Онуфриева – Сардаана Амгинская төрөөбүтэ 55 сылыгар аналлаах хоһоон ааҕыыга күөн – күрэс

Сэтинньи 2 күнүгэр Амматааҕы А.А. Черемных аатынан оҕо искусствотын оскуолатыгар Саха Республикатын суруйааччыларын, Россия журналистарын Сойуустарын чилиэнэ, Амма улууһун Бөтүҥ нэһилиэгин бочуоттаах олохтооҕо, поэт, тылбаасчыт, кыраайы үөрэтээччи С.П. Онуфриева – Сардаана Амгинская төрөөбүтэ 55 сылыгар аналлаах улуустааҕы хоһоон ааҕыыга күөн – күрэс буолан ааста. Күрэҕи Амма улууһун культура управлениета (Марина Мария Александровна, Шадринова Раиса Николаевна) уонна Күннүк Уурастыырап аатынан киин библиотека (Макарова Светлана Егоровна – салайааччы, Александрова Таисия Тихоновна, Ларионова Юлия Максимовна методическай салаа библиотекардара) тэрийдилэр. Хоһоон түһүлгэтигэр Амма улууһун 14 нэһилиэгиттэн барыта 53 киһи кыттыыны ылла, 34 оҕо уонна 16 улахан киһи. Поэт хоһооннорун музыканан уонна слайданан киэргэтэн сахалыы, нууччалыы тылынан уус – ураннык аахтылар.
Күрэх дьүүллүүр сүбэтигэр үлэлээтилэр Сардаана Амгинская чугас аймахтара бииргэ төрөөбүт эдьиийэ Ксения Павловна Онуфриева, төрөппүт кыыһа Анна Иннокентьевна Кириллина, поэт, Саха республикатын культуратын үтүөлээх үлэһитэ, Сардаана Амгинская биир идэлээҕэ, дьүөгэтэ Саргылаана Васильевна Гольдерова – Саргы Куо, хоһоонньут, алгысчыт Дьоллоох Күн Чээбийэ Чэгиэнтэй Кыыһа уонна Амматааҕы кииннэммит библиотечнай тиһик салайааччыта Светлана Егоровна Макарова. Саргылаана Васильевна дьүүллүүр сүбэ бэрэссэдээтэлинэн буолбута кыттааччылары ордук долгутта, эппиэтинэстэрин үрдэттэ.
Хоһоон ааҕыытын түмүгэ икки бөлөҕүнэн таҕыста:
Саха Республикатын суруйааччыларын, Россия журналистарын Сойуустарын чилиэнэ, Амма улууһун Бөтүҥ нэһилиэгин бочуоттаах олохтооҕо, поэт, тылбаасчыт, кыраайы үөрэтээччи С.П. Онуфриева – Сардаана Амгинская төрөөбүтэ 55 сылыгар аналлаах хоһоон ааҕыыга күөн – күрэс муҥутуур кыайыылааҕынан «Быыһаатын эйиигин» хоһоону ааҕан Амматааҕы Л.В. Киренскай аатынан лицей 9 кылааһын үөрэнээччитэ Констанция Яковлева буолла (салайааччы Наталия Константиновна Рязанская). Кыайыылаахха поэт аймахтара туруорбут анал бириистэрэ туттарылынна.
Улахан дьон ортотугар:
I миэстэҕэ Абаҕаттан Евгения Попова Анна Ахматова «Реквием» Сардаана Амгинская нууччаттан көҥүл тылбааһыттан быһа тардыыны ааҕан таҕыста.
II миэстэҕэ Мээндигиттэн Вера Борисова «Эйиигин таптыыры эрэ батыс» хоһоону ааҕан тигистэ.
III миэстэ Сэргэ-Бэстэн Екатерина Максимова «Бэйиэт аһаҕас буолуохтаах» хоһоону ааҕан буолла.
Анал ааттар маннык кыттааччыларга иҥэрилиннилэр:
«Хомуһуннаах хоһоон ааҕааччы» — Лилия Соловьева (Эмис нэһилиэгэ);
«Талба талаан» — Сулустаана Алексеева (Бөтүн нэһилиэгэ);
«Уобараһы арыйыы» — Марфа Харитонова (Амма нэһилиэгэ).

Оҕолор ортолоругар:
I миэстэ – Эмистэн 9 кылаас үөрэнээччитэ Катя Иванова, салайааччы Валентина Ивановна Иванова («Итэҕэл ити кини»).
II миэстэ – Л.В.Киренскай аатынан Амматааҕы лицей 9 кылааһын үөрэнээччитэ Артем Лукин, салайааччы Мария Дмитриевна Ноговицына («Төрөөбүт дойдум»).
III миэстэ – В.Г. Короленко аатынан Амма 1 нүөмэрдээх орто оскуолатын 6 кылааһын үөрэнээччитэ Ньургун Протопопов, салайааччы Оксана Семеновна Гаврильева (Сонеттан быһа тардыы: саха эр дьоно, аҕалара).
Оҕолор ортолоругар анал ааттар:
«Кэскиллээх хоһоон ааҕааччы» — Күннээйэ Яковлева (Л.В.Киренскай аатынан Амматааҕы лицей 6 кылааһын үөрэнээччитэ), салайааччы Наталия Константиновна Рязанская;
“Бастыҥ көстүү” – Дайаана Афанасьева (В.Г. Короленко аатынан Амма 1 нүөмэрдээх орто оскуолатын 10 кылааһын үөрэнээччитэ), салайааччы Туйаара Егоровна Никифорова;
«Чуор куоластаах хоһоон ааҕааччы» — Рауль Трифонов (Майскай орто оскуолатын 6 кылааһын үөрэнээччитэ), салайааччы Анна Сергеевна Стручкова.
Маны таһынан, поэт аймахтарын анал бирииһин Абаҕаттан Евгения Попова ылла. Бииргэ үөрэммиттэрин анал бирииһигэр Алтан орто оскуолатын 9 кылааһын үөрэнээччитэ Айсен Окороков тигистэ. Дьокуускайга олорор биир дойдулаахтарбыт «Амма түмсүү» бириистэрин Эмистэн Матрена Владимироваҕа, В.Г. Короленко аатынан Амма 1 нүөмэрдээх орто оскуолатын 10 кылааһын үөрэнээччитигэр Настя Черноградскаяҕа (салайааччы Светлана Григорьевна Степанова) уонна Алтан орто оскуолатын 11 кылаас үөрэнээччитигэр Евдокия Рожинаҕа (салайааччы Раиса Исаковна Никифорова) туттардылар.
Кыайыылаахтарга күөн күрэс тэрийээччилэриттэн, Сардаана Амгинская аймахтарын ааттарыттан сыаналаах бириистэр туттарылыннылар. Күрэх кыттааччылара бары туоһу суругунан бэлиэтэннилэр.