Режим работы
Понедельник - 9ч. - 17ч. Вторник - 9ч. - 20ч. Среда - 9ч. - 20ч. Четверг - 9ч. - 20ч. Пятница - 9ч. - 18ч. Суббота - 10ч. - 17ч. Обед 13ч. - 14ч. Выходной - воскресенье

Сахалыы дьыктаан

Олунньу 14 күнүгэр Амматааҕы киин библиотекаҕа «Төрөөбүт тыл, сурук – бичик күнүгэр»  аналлаах үгэскэ кубулуйбут аахсыйа чэрчитинэн, сахалыы таба суруйуу үөрүйэҕин олохсутар, иҥэрэр сыаллаах «Сахалыы дьыктаан» буолан ааста.  Сахалыы дьыктаан сыала – соруга : Саха тыла судаарыстыбаҕа бары наадыйыытын толорор, киэҥ эйгэҕэ – наукаҕа, култуураҕа, үөрэхтээһиҥҥэ, дьыала – куолу тылыгар, үлэ араас салаатыгар, тэрилтэлэргэ туттуллар имигэс – хомугас, сайдыбыт истиилэрдээх, олоҕурбут нуормалаах.  Бу тэрээһин оҕотуттан улахан дьоҥҥо тиийэ таба суруйар дьон ахсаана элбиирин кеҕүтэр уонна төрөөбүт төрүт тыл проблемаларыгар уопсастыба араас араҥатын болҕомтотун тардар сыаллаах тэриллэр. Сахалыы дьыктааны ыытта Иванова Туйара Иннокентьевна — аа5ааччыны кытта үлэлиир салаа сэбиэдиссэйэ

Быйыл дьыктаан тиэкиһэ саха литеруратын төрүттээччилэртэн биирдэстэрэ Николай Денисович Неустроев 125 сылыгар туһуланар. Дьыктаан тиэкиһэ «Балыксыт» диэн айымньытынан буолла.  Тэрээһини сахалыы ырыа матыыбыгар паппуринан «Алыптаах дорҕоон» ансаамбыл аста. Дьыктааны аахта Амма улууһун бочуоттаах олохтооҕо, Саха Өрөспүүбүлүкэтин Үтүөлээх учуутала Артемьева Александра Ивановна. Сахалыы дьыктаанна уопсайа 17 киһи кыттыыны ылла. Үс бастыҥ дьыктааны суруйбуттар «Добун суругунан» бэлиэтэннилэр, үөрүүлээх быһыыга – майгыга кыттыспыт дьоҥҥо барыларыгар  туоһу сурук туттарылынна

 

 

 

 

 

Поделиться: