Режим работы
Понедельник - 9ч. - 17ч. Вторник - 9ч. - 20ч. Среда - 9ч. - 20ч. Четверг - 9ч. - 20ч. Пятница - 9ч. - 18ч. Суббота - 10ч. - 17ч. Обед 13ч. - 14ч. Выходной - воскресенье

Бары бииргэ тулуурдаахтык, дьулуурдаахтык

Аан дойдуну аймаабыт Covid – 19 ыарыыны утарылаһарга, санааны көтөҕөр хоһоон наада буолбутугар, тыа библиотекаларын нөҥүө айар талааннаах, суруйар хомоҕой хоһоонньуттарга Амматааҕы кииннэммит тиһик кылаабынай библиограба Сидорова Е. В. тахсан, сорохторун кытары бэйэтэ кэпсэтэн бу тиэмэҕэ хоһоон суруйалларыгар көрдөспүтэ. Бу хамсааһын кулун тутар 26 күнүттэн саҕаламмыта.

Абаҕатааҕы К. Туйаарыскай аатынан модельнай библиотека кылаабынай библиотекара Клара Афанасьевна Карманова бэйэтэ хоһоон айа охсон ыыппыта уонна библиотекатын иһинэн үлэлиир айар түмсүүтүн кыттааччылара Севастьянова Кланья Васильевна, Антонова Татьяна Филипповна, Емельянова Пелагея Дмитриевна, Григорьев Семен Алексеевич бэйэлэрин айымньыларын ыыппыттара. Эмистэн Гаврильева Октябрина Павловна – Мыычаар, Алтантан Уварова Евдокия Николаевна – Чуохаан Сиэнэ, Чапчылҕантан Семенова Татьяна Петровна – Татыйаас, Болугуртан Галина Гаврильевна Максимова тутатына бэртээхэй хоһооннору айан ыыппыттара.

Бу айымньылары Амматааҕы киин библиотека инстаграмыгар угаммыт ааҕааччы дьүүлгэр таһаарбыппыт, сотору кэминэн биһиги айар дьоммут хоһооннорун улуус хаһыатыгар ааҕыахпыт диэн эрэнэбит.

Бу чэпчэкитэ суох кэмҥэ , библиотека үлэһиттэрэ туора турбакка, үлэ араас көрүҥнэрин туһанан дьон туһугар үлэлии сылдьаллар.

 

Бу ссылканы баттаан көр

Поделиться: