Наши контакты
Республика Саха (Якутия) Амгинский район, с.Амга, ул. Ленина, 17 Тел:4-15-46, 4-16-77 e-mail: amglib10@gmail.com
Режим работы
С 9:00 - 18:00 Выходной - воскресенье Последний день месяца - санитарный день

Аммаҕа Миитэрэй Наумов күннэрэ.

Биир дойдулаахпыт, СӨ Суруйааччыларын  Союһун чилиэнэ, прозаик, драматург, СӨ  норуотун  хаһаайыстыбытын  үтүөлээх  үлэһитэ,  Амма, Үөһээ – Бүлүү, Томпо  улуустарын, Амма, Сулҕаччы,  Соморсун  нэһилиэктэрин бочуоттаах  гражданина  ДМИТРИЙ   ФЕДОСЕЕВИЧ  НАУМОВ  төрөөбүтэ  70  сааһыгар  уонна   айар  үлэтин 15 сылыгар  аналлаах  “ДЭРИЭБИНЭМ  БАРАХСАН ”  күннэрэ, Амматааҕы саха  народнай поэта  В.М.Новиков – Күннүк Уурастыырап аатынан киин библиотека методическай салаата тэрийбит,  Литература  бырааһынньыгынан саҕаланна. 

Ф.Потапов аатынан Амматааҕы культура киинин фойетыгар суруйааччы Дмитрий Наумов – Миитэрэй Наумов айымньыларыгар уруһуй, кини айымньыларын хаартыска нөҥүө арыйан көрдөрүү, уус – ураннык тылбаастааһын күрэхтэригэр киирбит үлэлэринэн  киэҥ быыстапка тэрилиннэ.

“Дэриэбинэм  барахсан” күннэри үөрүүлээхтик аһыы  алгыстан саҕаланна. Алгыһы Анфиса Федорова салайар “Алыптаах  дорҕоон” хомус ансаамбылын кыттыылаахтара ыыттылар, ыалдьыттары алаадьынан күндүлээтилэр. Литература бырааһынньыгын чэрчитинэн  ыытыллыбыт күрэхтэргэ киирбит үлэлэр  быыстапкаларын   кыһыл  лентатын  быстылар улууспут баһылыга Н.А. Архипов, суруйааччы Д.Ф.Наумов уонна библиотечнай  тиһик  директора С.Е.Макарова.

Д.Ф.Наумов – Миитэрэй Наумов төрөөбүтэ 70 сааһыгар уонна айар үлэтин 15 сылыгар аналлаах  Күннэринэн эҕэрдэлээтилэр Н.А.Архипов – Амма улууһун  дьаһалтатын баһылыга,  Боярская  Л.А. – Амма нэһилиэгин дьаһалтатын баһылыгын солбуйааччы, Макарова С.Е. – Амматааҕы кииннэммит библиотечнай тиһик директора, поэт Семен Капитонов . Харда тылы эттэ юбиляр Дмитрий Наумов – Миитэрэй Наумов.

Литература  бырааһынньыгын  чэрчитинэн 4 көрүү – күрэх ыытылларыттан 3 күрэх кэтэхтэн ыытылыннылар.

Ол курдук, Дмитрий  Наумов айымньыларын уус- ураннык тылбаастааһын: бу күрэххэ 17 үлэ киирбитэ, мантан оҕотун үлэтэ – 7, улахан киһитэ -10.

Суруйааччы айымньыларынан уруһуй  күрэҕэ, манна  44 киһи кытынна, оҕото – 32, улахан киһитэ – 12.

Дмитрий  Наумов айымньыларын  хаартысканан  арыйан көрдөрүү. Бу күрэххэ  барыта  42 үлэ киирдэ.  Мантан  оҕотун  үлэтэ – 10.

Онон бу 3 күрэххэ барыта  86 киһи кыттыыны ылла.

Кэтэхтэн ыытыллыбыт  3 күрэхпит түмүгэ маннык  буолла: ол курдук, Дмитрий  Наумов айымньыларын уус- ураннык тылбаастааһын  күрэх дьүүллүүр сүбэтигэр үлэлээтилэр:

  1. Дария Егоровна Васильева – Амма Даайыс – хоһоонньут, “Айар абылаҥ” түмсүү салайааччыта, СӨ үөрэҕэриитин туйгуна, дьүүллүүр сүбэ бэрэссэдээтэлэ;
  2. Федор Никанорович Мартынов – В. Г. Короленко аатынан 1 №-дээх орто оскуола завуһа, РФ үтүөлээх учуутала;
  3. Наталия Егоровна Бубякина – улуустааҕы “Амма олоҕо” хаһыат кылаабынай редактора, СӨ культуратын үтүөлээх улэһитэ;

Улахан дьоҥҥо  бастакы  миэстэни   Амма – Наахараттан  Петр Алексеев  “Обьяснительная” тылбааһынан  ылла; 2 миэстэ – Валентина Романова (Амма — Наахара) “Амга – милый сердцу уголок”тылбааһа  буолла; 3 миэстэ – Татьяна Сутакова (Абаҕа) “Рассказ из прошлого века” тылбааһа.  Оҕолорго – 1 миэстэ буоллулар Макарова Лина – 9 кыл.,Устинова Саша – 8 кыл.(Болугур) “Жеребенок” тылбаастарынан, сал.Иванова М.Ю; 2 миэстэ —  Яна Ефремова – 11 кыл.(Болугур) “Улыбка”тылбааһынан, сал. Неустроева Г.А.; 3 миэстэ – Колосова Анжелика-10 кыл.(Амма, лицей) “Эдельвейс” тылбааһынан, сал. Рязанская Н.К.

Биһирэбил бирииһинэн бэлиэтэннилэр Толстоухова Айыына, Заборовская Василина – 10 кыл.(Амма, лицей). Суруйааччы “Төрүт буор” айымньытын английскайдыы тылбаастаан.  Сал. Оконешникова Л.Р.

Суруйааччы  айымньыларынан  уруһуй  күрэҕэ: бу күрэххэ дьүүллүүр сүбэҕэ үлэлээтилэр:

  1. Кыыма Николаевна Жиркова – А. А. Черемных аатынан Оҕо искусствотын оскуолатын художественнай  отделениетын  сэбиэдиссэйэ, СӨ культуратын  туйгуна,  дьүүллүүр сүбэ бэрэссэдээтэлэ;
  2. Дмитрий Афанасьевич Бубякин – “Креатив” рекламнай мастарыскыай салайааччыта, СӨ культуратын туйгуна;
  3. Сергей Никитич Захаров –В. Г. Короленко аатынан 1 №-дээх орто оскуола уруһуйга учуутала;

5-7 кылаас үөрэнээччилэрин ортотугар: 1 миэстэҕэ Айаана  Мартынова  – 6 кыл.(Соморсун) “Сталин  мэтээлэ” уруһуйа таҕыста. Сал. Сокольникова А.Н. 2 миэстэ – Дарина  Сивцева – 6 кыл.( Амма, лицей) “Дьөгүөр куоска” уруһуйа . Сал. Сивцева В.П.  3  миэстэ – Саргы Уварова – 5 кыл.(Соморсун) “Кэрэмэс” уруһуйа. Сал.Сокольникова А.Н. Биһирэбил бириис : — Вика Павлова -5 кыл.(Соморсун) “Сибиинньэ оҕото”. — Лена Софронова – 6 кыл.(Соморсун) “Балыксыттар”.  – Владилена Кононова – 6 кыл. (Соморсун) “Чомойор кыыһа”. Биһирэбил бирииһинэн бэлиэтэммит  оҕолор салайааччылара Сокольникова А.Н.

8-11 кылаастарга: 1 миэстэ – Эдик  Деляев – 9 кыл. (Абаҕа) “Үүт аналиһа” Сал. Яковлев Е.С.  2 миэстэ – Айыына Христофорова – 8 кыл. (С- Бэс) “Сылабаар”. Сал.Борисова Нь.П. 3 миэстэ – Лана Ягловская – 8 кыл.(Амма, 2 №-дээх орто оск.) “Дьүкээбил и красавица Радуга”.Сал.Алексеева Е.В.

Биһирэбил  бириис : — Сардаана  Петрова – 8 кыл (Амма, лицей) “Аммам барахсан”. Сал. Ноговицына М.Д. – Саргы  Новикова – 8 кыл(Амма, 1№-дээх орто оск.).Сал. Гаврильева О.С.

Улахан дьоҥҥо: 1 миэстэ – Федора Сергеева (Мэндиги) “Кыһыл мончуук”. 2 миэстэ – Лена Неустроева (Сулҕаччы)”Массыына”. 3 миэстэ – Розалия  Винокурова (Сулҕаччы) “Сталин мэтээлэ”. Биһирэбил бириистэр : — Анжелика Васильева (Болугур)”Хатыҥ”. – Сааскылаана Артемьева (Сатаҕай) “Оҕо  саас ыллыга”. – Евдокия Слепцова (Бөтүҥ) “Биэс  хатыҥ”.

 Биир интириэһинэй күрэҕинэн Дм. Наумов  айымньыларын  хаартыска нөҥүө арыйан  көрдөрүү күрэҕэ буолла.

Дьүүллүүр сүбэҕэ үлэлээтилэр:

1.Степан Дмитриевич  Нестерев – фотограф, худуоһунньук,”Баат” аҕалар түмсүүлэрин салайааччыта,эколог-  дьүүллүүр сүбэ бэрэссэдээтэлэ;

2.Эдуард  Николаевич  Иванов – “Арт — фэмили” дизайн студия  салайааччыта;

3.Мария Дмитриевна Ноговицына —  ак.Леонид Васильевич  Киренскэй  аатынан лицей саха  тылын уонна литературатын учуутала, С.Ө үтүөлээх учуутала;

Оҕолорго : 1 миэстэ – Стручков Радик -7 кыл.(Сулҕаччы) “Балыксыттар”. 2 миэстэ – Стручкова Олеся – 11 кыл.(Сулҕаччы) “Аммам барахсан”  хаартыскалара буолла.

Улахан дьоҥҥо: 1 миэстэ – Надежда Григорьева (Амма — Наахара)”Эргэ хаартыска”. 2 миэстэ —  Ольга Никифорова (Алтан) “Сталин мэтээлэ”. 3 миэстэ – Дария Нестерева (Соморсун) “Өрөмүөн”. Биһирэбил  бириистэр:- Ульяна Борисова (Сулҕаччы)”Сталин  мэтээлэ”.- Екатерина Унарова(Амма- Наахара) “Аммам барахсан” ;

В.М.Новиков – Күннүк Уурастыырап  аатынан Киин библиотека  суруйааччы  Д.Ф.Наумов үбүлүөйүн  көрсө “Дмитрий Федосеевич Наумов”  биобиблиографическай ыйынньыгы, “Аммам барахсан, Эйиигиттэн ордук күндү суох!” аудио – кинигэни бэлэмнээн таһаарда. Ыйынньыгы  ааҕар саала библиографа Т.И.Иванова хомуйан оҥордо, аудио – кинигэни краеведческай отдел кыл.библиотекарэ В.И.Стручкова бэлэмнээтэ.  Ыйынньык 3 разделтан турар, барыта 175 библиографическай суруйуу түмүлүннэ. Киирии тылын  Семен Капитонов – поэт, Россия суруйааччыларын союһун чилиэнэ  суруйда.

“Аммам барахсан, Эйиигиттэн ордук күндү суох” аудио- кинигэ сүрэхтэниитигэр бу кинигэ бэлэмигэр үлэлэспит, аахпыт дьон Гаврил Захаров, Григорий Аммосов,Федор Мартынов, Евгений Тобонов кыттыыны ыллылар, поэттар С.Гольдерова – Саргы Куо, Семен Капитонов, Д.Е.Васильева – Амма Даайыс уонна суруйааччы бииргэ үөрэммит үөлээннээхтэрэ эҕэрдэлээн тыл эттилэр.

Эбиэттэн киэһэ  Миитэрэй  Наумов  айымньыларын ааҕыыга  аһаҕас күөн- күрэс ыытылынна. Ааҕыыга 25 киһи кыттыыны ылла.

Ааҕыы дьүүллүүр сүбэтигэр үлэлээтилэр  Семен Капитонов – поэт, Россия Суруйааччыларын союһун чилиэнэ, СӨ культуратын туйгуна, Наталия  Рязанская – суруйааччы, хоһоонньут, “Айар абылаҥ” түмсүүтүн  чилиэнэ, Евгений  Николаев – Амматааҕы народнай театр режиссера.

Оҕолорго  Саргы Данилова – 10 кыл.(Сулҕаччы) “Мичээр” айымньыны ааҕан 1 миэстэ буолла. Сал. Данилова В.В. 2 миэстэ буолла  Ньургун Старостин – 4 кыл.(Мэндиги) “Испиэктээх” айымньыттан быһа тардан ааҕан. Сал.Захарова М.Н. 3 миэстэ – Саргылаана Свинобоева – 10 кыл.(Чакыр) “Родная деревенька моя” ааҕан. Биһирэбил бирииһинэн бэлиэтэннилэр : — Айаал Деляев – 3 кыл.(Мэндиги). Сал.Захарова М.Н. – Аман Павлов – 4 кыл(Мэндиги).Сал. Захарова М.Н. – Варя Бурцева – 10 кыл.(Сулҕаччы).Сал.Данилова В.В.

Улахан дьон ортотугар : 1 миэстэҕэ эрэллээхтик Светлана Сутакова (Алтан) таҕыста. Кини “Дэриэбинэ олоҕуттан” аахта. 2 миэстэ – Ньургуйаана Максимова (Чакыр) “Баҕа санаа” айымньыны ааҕан. 3 миэстэ – Венера Данилова (Сулҕаччы) “Сталин мэтээлэ” ааҕан.

Саха киһитэ  сөбүлээн ааҕар суруйааччыта, биир дойдулаахпыт Дмитрий  Федосеевич Наумов – Миитэрэй Наумов  төрөөбүтэ  70  сааһыгар  уонна   айар  үлэтин 15 сылыгар аналлаах  “Дэриэбинэм  барахсан ”   күннэри  үөрүүлээхтик  аһыы    чэрчитинэн ыытыллыбыт Литература  бырааһынньыга  өрө көтөҕүллүүлээхтик,  элбэх кыттааччылаах  үрдүк таһымҥа барда.

 

Таисия  Александрова – Амматааҕы кииннэммит тиһик методиһа, СӨ культуратын туйгуна